"RZ Group" İş Agentliyi və Təlim-Tədris Mərkəzi 2015-ci ildə işsizlərin iş tapmasına dəstək məqsədilə sosial layihə kimi fəaliyyətə başlamış, qısa bir müddət sonra əldə edilən nailiyyətlər və qazanılan etibar sayəsində fəaliyyətinə rəsmi şirkət kimi davam etmişdir. İlk tərəfdaşlıqlar kiçik mağazalar və kafelər ilə olmasına baxmayaraq, peşəkar xidməti sayəsində nüfuzlu şirkətlər və dövlət müəssisələri ilə əməkdaşlıqlar qurmuşdur. Hazırda mərkəzimiz 150-dən çox müəssisə ilə tərəfdaşdır və bu müddət ərzində minlərlə işsiz şəxsin iş tapmasına vasitəçilik etmişdir.
"RZ Group" 2020-ci ilin dekabr ayında "JobEdu" adı altında təlim-tədris və "consulting" xidmətlərinə start vermiş, bu sektorda da keyfiyyətli xidməti ilə etibar qazanmışdır. Marka adı RZ Group markası ilə "rebranding" edilərək, təlimlər və "consulting" xidmətlərinin fəaliyyətinə daha da təkmilləşdirilmiş şəkildə davam etməkdədir.
Vizyonumuz - Fəaliyyət göstərdiyimiz bizneslərdə humanist dəyərlər, keyfiyyətli xidmət və etibarımızla bazarda rəqibsiz olmalıyıq. Əksi qəbul olunmazdır!
Missiyamız - Xidmət göstərdiyimiz tərəfdaşların, namizədlərin və təlim iştirakçılarının vaxtına, büdcəsinə və enerjisinə qənaət etməsini təmin edirik.
Dəyərlərimiz:
Humanistlik - Əməkdaşlarımızın, tərəfdaşlarımızın və cəmiyyətin sosial problemlərinə biganə qalmamaq, dəstək məqsədli layihələri gündəmdə saxlamaq. Etibarlılıq - Maddi itkiyə səbəb olsa belə, əsla və əsla doğru olanı söyləməkdən, dürüstlüyü qorumaqdan, faydalı olmaqdan vaz keçməmək. Ədalətlilik - Münasibət və qərarlara vəzifənin, maddi təminatın, fiziki qüsurun, deviant davranışların, irq, din, cins və sair kimi göstəricilərin təsir etməsinə imkan verməmək, biznes etikasına əməl etmək, rəqiblərlə dostluq münasibətini qorumaq.
Xidmətlərimiz: 1. İş və kadr agentliyi (Müəssisələri vakansiya tələblərinə uyğun kadrlarla təmin etmək); 2. Headhunting (Peşəkarların cəlb edilməsi); 2. Təlimlər, kurslar (İnsan Resursları, Mühasibatlıq, Marketinq və s. karyera peşələri üzrə); 3. Consulting (İnsan Resursları və mühasibatlıq xidmətləri, 1C (8.3 versiya) proqramının yazılması).
Xidmət şərtlərimiz: 1. Namizədlər qeydiyyat və işə göndəriş üçün heç bir xidmət haqqı ödənişi etmir, yalnız işə qəbul olduqdan sonra ilk aylıq əmək haqqının 35% məbləğini xidmət haqqı olaraq, ödəniş edir. Tərəfdaşlar isə xidmət haqqı ödənişi etmir. 2. "Headhunting" zamanı namizədlərdən heç bir halda xidmət haqqı ödənişi tələb edilmir. Tərəfdaşlar xidmət paketinə uyğun olaraq, xidmət haqqı ödənişi edir.
Keyfiyyətli xidmət üçün arxayınlıqla bizə müraciət edə bilərsiniz.
